Претседателот на Азербејџан, Илхам Алиев, во неделата објави дека армијата на Азербејџан го ослободила градот Шуша, кој беше заробен на 08 мај 1992 година од ерменските сили.
-По 28 години, азербејџанската армија официјално го ослободи градот Шуша од ерменската окупација, изјави Алиев на националната телевизија.
Претходно изутрината беа објавени тешки борби во Шуша, а Азербејџан го гранатираше Степанакерт, главниот град на регионот.
Со контролата врз Шуша, азербејџанските сили се во поволна позиција да го нападнат блискиот, во долината град Степанакерт.
