Во австриската Влада е формиран „дигитален кризен штаб“, чија задача е да ги пронаѓа и поправа лажните вести поврзани со корона вирусот.
Кога ќе се утврдат лажни информации владиниот тим веднаш реагира и објавува факти.
Планирано е да се воспостави мрежа која ќе ги открива лажните информации за Ковид-19, а во неа покрај владиниот тим ќе бидат вклучени и претставници на медиумите.
– Свесното објавување на лажни вести не ја отежнуваат работата само на министерствата и на јавните институции, туку шират несигурност и страв меѓу граѓаните – се наведува во образложението за формирањето на „дигиталниот кризен штаб“.
Австриската Влада и на меѓународно ниво учествува во системот за брзо алармирање против дезинформациите.
