Американски научници утврдиле дека корона вирусот по белите дробови сериозно го напаѓа и срцето.
Во текстот објавен во британски „Сан“ се вели дека корона вирусот може да предизвика сериозни срцеви проблеми дури и кај оние луѓе коишто претходно немале никакви проблеми со срцето. Како што истакнуваат експертите, корона вирусот може да има кобни последици за луѓето кои имаат кардиоваскуларни болести или висок притисок.
– Дури и никогаш да сте немале срцеви проблеми, коронавирусот може да влијае на срцевиот мускул. Потврдено е дека повреда на срцевиот мускул може да му се случи секому, без оглед дали имал кардиоваскуларни проблеми. Сепак, ризикот е многу поголем кај оние пациенти кои веќе имаат дијагностицирано срцева болест – вели д-р Мухамед Маџид од Научно-истражувачкиот здравствен центар во Универзитетот во Тексас.
Д-р Маџид додава дека заразата со вирусот Ковид-19 може да предизвика срцев удар кај пациентот, а инфекцијата може да доведе и до воспаление на слузницата на срцето, како и до воспаление на срцевиот мускул.
