Американскиот адвокат Лери Клејман поднесе тужба од 20 билиони американски долари против Кина за создавање и ослободување на новиот коронавирус од кој се инфицирани повеќе од 334,000 луѓе на глобално ниво.
Клејман, неговата застапничка група „Фридом Воч“ и „Баз Фотос“, компанија од Тексас, ја поднеле тужбата во Окружниот суд на САД за северниот округ на Тексас, тврдејќи дека новиот коронавирус „бил дизајниран од Кина за да биде биолошко оружје “, и тоа без оглед дали земјата имала намера да го ослободи, Кина го прекршила „американското право, меѓународните закони, договори и норми“.
„Бидејќи Кина се согласи со договор да забранува такво оружје, овие дејствија не можат да бидат официјални владини дејства на Народната Република Кина и не подлежат на какво било можно барање за правен имунитет од тужба“, се вели во тужбата.
Понатаму во тужбата се тврди дека целта на одржување на вирусот во лабораторијата е да се искористи за да се „убијат американски граѓани и други лица и субјекти во нациите што се сметаат за непријател на Кина“
Вирусот, кој за првпат се појави во кинескиот град Вухан, се прошири во 189 земји или , зарази повеќе од 334.000 луѓе и уби над 14.500, според најновите податоци достапни на веб-страницата на Светската здравствена организација.
„Ковид-19 е екстремно опасна болест затоа што има екстремно агресивна природа, беше дизајниран да мутира од личност до личност, се шири брзо и лесно, се уште нема развиено вакцина, средствата за пренесување не се познати целосно со сигурност, третманите само се разработуваат, а болеста се чини дека е околу десет пати посмртоносна од грипот “, се вели во тужбата.
Во парницата се наведува дека Кина го дизајнирала вирусот како ефикасно и катастрофално биолошко оружје за масовно убиство на популацијата.
Поврзани вести
Путерот што го фати Николовски денеска ќе биде стопен на Дрисла
Најмногу попишани граѓани од Швајцарија, Германија и од Италија, слаба заинтересираност во Австралија и Канада
Муцунски: Аматеризмот на власта е причината за лошото справување со Ковид-19
Алијансата задолжена за Ковакс не кажува дали Македонија ги исполнува условите за да добие вакцини
