Озлогласениот Ал Бадави бил убиен во прецизно изведен напад во јеменската покраина Мариб.
Од американската армија соопштија дека во Јемен бил убиен екстремистот Џамал Ал Бадави за кој се верува дека бил еден од организаторите на бомбашкиот напад на разурнувачот „Коул“ изведен во 2000-та година.
Како што е познато, во нападот на американскиот воен брод кој што пренесувал ракети на наведување, биле убиени 17, а ранети 39 американски морнари. Набрзо после нападот, одговорноста ја превзеде терористичката организација Ал Каида.
Од американската армија денес потврдија дека Ал Бадави бил ликвидиран на 1-ви јануари во прецизно изведен напад на територијата на јеменската покраина Мариб, пренесува биртанската новинска агенција „Ројтерс“.
