Дури 32 патници на летот на „Туркиш ерлајнс“ се повредени за време на летот од Истанбул за Њујорк, поради турбуленции 45 минути пред слетувањето.
Според аеродромските служби, авионот безбедно слетал, а повредените од аеродромот „Џoн Ф. Кенеди“ се пренесени во болница.
Патниците претежно се здобиле со посекотини и модрици, а една стјуардеса ја скршила ногата.
Боинг 777 со 326 патници и 21 член на екипажот летале над Атлантикот кога влегол во турбуленции.
