Новите статистики во Шпанија покажуваат дека епидемијата на коронавирус во земјата го чини клучниот туристички сектор повеќе од 15 милијарди евра за два месеци, пишува порталот Bankar.me.
Бројките објавени од шпанската официјална агенција за статистика во четвртокот покажуваат дека бројот на туристички пристигнувања е нула во мај. Истата работа се случи во април, откако Шпанија ги затвори своите граници од средината на март до 21 јуни во борбата против ширењето на ковид-19.
Туризмот е еден од клучните сектори во Шпанија, а властите се надеваат дека ќе го спасат остатокот од летната сезона со охрабрување на странските туристи да ја посетат земјата, пренесува АП.
