Клупскиот автобус на лидерот во Серија А беше испратен на спектакуларен начин по победата со Лацио од 3:2.
Милан ја заврши 2020 година како лидер во Калчото, по драматичната победа против Лацио со 3:2, со голот на Тео Ернандес во последните моменти, што донесе експлозија од радост кај Росонерите.
Триумфот го прославија и навивачите на Милан, кои чекаат титула во Серија А цела деценија, по апсолутната доминација и 9 титули по ред на Јувентус.
Голем број симпатизери на Росонерите приредија спектакл крај патот по кој минуваше клупскиот автобус на Милан, а и буквално гореше Милано во чест на лидерот во Серија А.
Последното од вкупно 18 Скудета што ги има Милан го освои во сезоната 2010/11.
