Данската тенисерка Каролина Возњацки соопшти дека боледува од ревматоиден артритис односно од тешка автоимуна болест од која страдаат зглобовите.
Болеста и била дијагностицирана пред Ју-Ес опен, но Возњацки нагласи дека го чекала крајот на сезоната за да ја соопшти информацијата во јавноста.
– Имам автоимуна болест, ревматоиден артритис од која страдаат зглобовите. Кога во телото имам многу течности отекувам и се заморувам. Во почетокот тоа ми беше шок, но сега се обидувам да се носам со тоа – истакна Возњацки.
Во моментов третата тенисерка на ВТА листата соопшти дека прима терапија и животот не и е во опасност.
Последниот натпревар сезонава на завршиот ВТА турнир во Сингапур 28-годишната тенисерка го загуби од Елина Свитолина со 2:1.
