Украинскиот тенисер Дмитро Баданов е доживотно суспендиран поради местење на натпревари.
Баданов (30) ги прекршил правилата на тениската програма против корупција, кога го наместил исходот на два меча на фјучерси, во Тунис во септември 2015 година, а подоцна и во Египет.
Исто така тој е осуден и за вмешаност во обложување на натпревари. За случајот претходела истрана на Единицата за интегритет на Меѓународната тениска федерација, АТП и ВТА.
Баданов ќе мора да плати и 100.000 долари.
Негов најдобар пласман, според АТП листата во сингл, бил во март 2015 година, а моментално е без пласман.
