Градот Скопје ја заврши реконструкцијата на улицата „Александар Урдаревски“ во општина Бутел. Оваа сообраќајница се реконструираше на потегот од раскрсницата со улица „Бутелска“ до крстосницата која води кон влезот во гробиштата Бутел, во вкупна должина од околу 800 метри. Како што информираат скопските власти, на овој потег е извадена старата коцка и е поставен нов асфалт на коловозот, а се изградени и нови тротоари со ширина од по 2 метри. На дел од улицата се изгради нова водоводна, атмосферска и фекална мрежа. На реконструираната сообраќајница е поставено ново улично осветлување, хоризонтална и вертикална сигнализација.
Заврши реконструкцијата на улицата „Александар Урдаревски“ во Бутел
