Скопје

Продолжува чистењето на коритото на реката Вардар

Продолжува чистењето на коритото на реката Вардар

Продолжуваат актвиностите за чистење на коритото на реката Вардар, информираат од Град Скопје. Чистењето, како што информираат од Град Скопје, го спроведуваат нивни екипи заедно со екипи од ЈП „Улици и патишта“.

„На потегот од булеварот 8 Септември до мостот Гоце Делчев, од двете страни на реката, деновиве машински се коси ниската и високата вегетација, а се отстранува и наталожената тиња и песокот од коритото на Вардар“, стои во соопштението на Град Скопје.

Како дел од овие активности се чистат и камењата на косините, како и фугите меѓу камењата, а таму каде што има потреба, фугите се затвораат со цементен малтер, се додава во нивното соопштение.

Чистењето и уредувањето на кејот на реката Вардар ќе продолжи и во наредниот период, а во акцијата се вклучени и јавните претпријатија „Комунална хигиена“ и „Паркови и зеленило“.