Скопје

Еве кои делови од Скопје ќе останат без вода

Еве кои делови од Скопје ќе останат без вода

Планската проекција на ЈП „Водовод и канализација“ – Скопје е дека работните активности би требало да завршат во периодот од 12 до 18 часот, што значи дека нормално водоснабдување корисниците би добиле во периодот од 8 до 14 часот наредниот ден 11.8.2018 година (сабота).

Од ЈП „Водовод и канализација“ – Скопје најавуваат дека поради реконструкција на водоводна линија сo пречник 700 мм, што ќе се изведува кај новиот кружен тек меѓу улицата Христо Татарчев и булеварот Србија (последна 24.), денеска без вода за пиење од 20 часот до завршување на работата ќе останат следните населби: Аеродром и Ново Лисиче (висока зона – станбените објекти над 5. кат), Припор, Сопиште, Ракотинци и Добри Дол, како и дел од населбата Кисела Вода на улицата Христо Татарчев, крак 1-11, крак 2, сервисна зона југ, дел од булеварот Борис Трајковски и дел од булеварот Србија (од новиот кружен тек до булеварот Борис Трајковски).

Планската проекција на ЈП „Водовод и канализација“ – Скопје е дека работните активности би требало да завршат во периодот од 12 до 18 часот, што значи дека нормално водоснабдување корисниците би добиле во периодот од 8 до 14 часот наредниот ден 11.8.2018 година (сабота).

Бидејќи ќе се работи во текот на ноќта, ЈП „Водовод и канализација“ – Скопје за жителите од наведените населени места ќе обезбеди цистерни со пивка вода. Исто така, од Јавното претпријатие информираат дека уличните чешми во населбите Аеродром и Ново Лисиче непречено ќе функционираат.