Еден приведен и 135 казнети моторциклисти за диви трки во Скопје

Едeн мотоциклист бил приведен поради сомнение за сторено кривично дело, во полициската акција која била спроведена вчера вечерта во Скопје.

Во сообраќајната контрола биле издадени 77 мандатни платни налози и 58 прекршочни налози за сторени прекршоци од Законот за безбедност на сообараќајот на патиштата и Законот за возила кон возачи.

Од МВР информираат дека Одделението за безбедност на сообраќајот при СВР Скопје вчера во времето од 20 до 1 часот по полноќ, извршиле контрола на булеварот Партизански одреди и улицата Христијан Тодоровски – Карпош, со цел да ги санкционираат несовесните мотоциклисти кои дивеат по улиците.

Полицијата привремено одзела два мотоцикли кои имале вградено одделни системи, составни делови, самостојни технички единици и опрема што се разликувала од основно вградените- издувни системи по член 53 од Законот за возила.

Од СВР Скопје велат дека ќе продолжат со спроведување на редовни контроли за спречување на организирање и учество на диви трки на мотоциклисти во Скопје.