Сцена

Од следната година на „Оскарите“ се воведува нова категорија

Од следната година на „Оскарите“ се воведува нова категорија

Во обид да ја зголеми гледаноста на преносот на доделувањето на „Оскарите“, американската Академија за филмски уметности и науки внесе неколку измени.

На состанокот на Одборот на гувернерите, на кој повторно е избран Џон Бејли за претседател, беше одлучено да се воведе и категоријата најпопуларен филм, како и преносот да се ограничи на три часа. Академијата исто така попушти пред притисокот на телевизијата Еј-би-си, која ги има правата за пренос во живо во САД – за што на Академијата ѝ плаќа околу 75 милиони долари годишно според договорот до 2028, а која беше загрижена за падот на гледаноста од година на година.

Одборот на гувернерите одлучи оние што се помалку секси, занаетчиски категории (како што се, на пример, монтажа и микс на звук), да се доделуваат во текот на рекламите и потоа да се монтираат во пренос во скратена верзија. Сè уште не е одлучено за кои точно категории станува збор. За критериумите за номинација во категоријата популарен филм, во Академијата допрва треба да се дискутира.