Сцена

Кралот Алберт Втори ќе биде подложен на ДНК анализа поради вонбрачно дете

Кралот Алберт Втори ќе биде подложен на ДНК анализа поради вонбрачно дете

Кралот Алберт Втори, кој абдицираше во 2013 година во корист на својот син Филип, мора во наредните три месеци да биде подложен на ДНК анализа, со цел да се утврди дали е навистина татко на Делфин Боел, одлучи денеска Апелацискиот Суд во Брисел.

Боел судската процедура ја започна во 2013 година, но првостепениот суд во Брисел ги одби нејзините барања, и покрај фактот што тогашните ДНК анализи утврдија дека Жак Боел, со кого таа пораснала, не и е биолошки татко. Алберт Втори повеќепати преку својот адвокат порача дека одбива секакви генетски тестови. Останува неизвесно дали ќе одбие да ја почитува одлуката на Судот.

Скандалот со Делфин Боел изби во 1999 година кога млад новинар откри дека Алберт Втори, кој тогаш сѐ уште не бил крал на Белгија, одржувал вонбрачна врска додека неговиот брак со Паола бил во криза. Од таа вонбрачна врска наводно се родила Делфин Боел. Паола тогаш побарала развод, но се премислила а брачната двојак се помирила петнаесетина години подоцна. Во 1999, Кралот Алберт Втори во својот редовен божиќен говор призна дека неговиот брак со Паола поминал низ тешка криза триесет години порано.

– Јас и Кралицата се потсетивме на многу среќни времиња, но и на кризата низ која мина нашиот брак пред повеќе од триесет години, рече тогаш кралот.