По смртта на пејачот Влатко Илиевски, ѕвездите од македонската јавна сцена посветија многу статуси на социјалните мрежи токму за него. Веста за смртта на рок-ѕвездата се прошири и на Балканот. Медиумите ја пренесоа тажната вест.
Балканската ѕвезда Ален Исламовиќ на својот Фејсбук профил напиша емотивен статус посветен на Влатко.
„Почина Влатко Илиевски, музичар, актер, пејач…Македонско момче со добро, златно срце и искрен пријател. Кога во Белград ме праша како да влезе во Комбанк Арената и да го слуша концертот на Дугме му реков да не се грижи, дека јас ќе излезам по него и така и направив. Ја сакаше музиката повеќе од себе, а таа за жал колку што дава, толку и одзема. Музиката е сјај, богатство и рај, но за жал и пекол во кој можеш да потклекнеш. Вечна слава друже”, напиша Исламовиќ.
