Две лица починаа во загрепската болница во средата како последица на грип, потврди директорката на Клиниката за инфективни болести во Загреб, Алемка Маркотиќ, а пренесоа хрватските медиуми.
Маркотиќ рече дека двете лица починале како последица на тежок грип и пневмонија.
-Ситуацијата е како во последните денови, откако неколку пациенти ќе се исклучат од апарати, од цела Хрватска доаѓаат нови. Има голем притисок, поголем број луѓе се во лоша состојба отколку вообичаено-рекла Маркотиќ за „Индекс.хр“.
