Силно невреме коешто од синоќа го зафати регионот рушеше покриви и кршеше дрвја во делови во Хрватска и Црна Гора и предизвика многу проблеми на граѓаните. За среќа, нема повредени и настрадани.
Најпогоден беше Славонски Брод и околината. Според хрватските медиуми, оштетена била и Железничката станица во овој град. Во еден момент бил регистриран ветер од 49 километри на час, а наврнале 17 литри дожд на метар квадратен.
Од невремето биле откорнати и кабли, па бил опожарен и покрив од куќа.
Силно невреме со обилни врнежи и силен ветер доцна погоди и повеќе делови од Црна Гора, предизвикувајќи проблеми во сообраќајот и помала материјална штета.
Како што пренесуваат медиумите, невремето почнало веднаш по полноќ и траело сѐ до раните утрински часови.
