Уставниот суд на Босна и Херцеговина вчера донесе одлука според која забраната за движење на лица под 18 години и над 65-годишна возраст како мерка за спречување на епидемијата на коронавирусот ги крши правата на граѓаните.
Уставниот суд на БиХ заклучи дека наредбите на Федералниот штаб за цивилна заштитасо кои се наложува забрана за движење на лица под 18 години и над 65 години во Федерацијата на Босна и Херцеговина го повредуваат правото на слобода на движење според член II / 3м од Уставот на Босна и Херцеговина и член 2 од Протоколот бр. 4 кон Европскиот Конвенција за заштита на човековите права и основни слободи, јавуваат босанаски медиуми.
На Владата на Федерацијата БиХ и на Федералниот штаб за цивилна заштита, им се наложува рок од пет дена од денот на приемот на оваа одлука, да ја усогласат наредбата на Федералниот штаб за цивилна заштита со Уставот на Босна и Херцеговина и член 2 од Протоколот бр. 4 на Европската конвенција.
