Сараевскиот филмски фестивал објави дека по повод Светскиот ден на градовите, кој се слави на 31 октомври во Париз, на Сараево му е доделен статус на филмски град од страна на УНЕСКО.
УНЕСКО доделува статус на филмски град на градови кои имаат богата филмска историја, препознатливи филмски фестивали, значајни филмски локации и продукциска инфраструктура и се посветени на развој и промовирање на филмското творештво.
Покрај Сараево, овој статус го добиле германскиот град Потсдам, познат по славното филмско студио и филмскиот забавен парк Бабелсберг, индискиот град Мумбај, центарот на Боливуд, шпанскиот град Ваљадолид и новозеландскиот Велингтон.
