Српска напредна партија (СНС) на Александар Вучиќ ќе ја зацврсти својата власт во Србија бидејќи е на пат да оствари убедлива победа на денешните парламентарни избори, кои се одржаа среде епидемија на коронавирусот.
Според прелиминарните резултати, СНС освои 63,4% гласови, што ќе ѝ донесе дури 180 пратенички места од можни 250, а далеку на второто место е нејзиниот коалициски партнер Социјалистичка партија со 10,3%. Трета по освоени гласови е партијата на бившиот ватерполист Александар Шапиќ, СПАС, со 3,9% гласови.
Драган Ѓилас, лидерот на движењето Сојуз за Србија, кое го предводеше бојкотот на опозицијата, изјави дека Србија денеска му кажала „не“ на режимот на Вучиќ.
Бојкотот ја исполни својата смисла и го соголи режимот. Според наши информации, на повеќе од пет отсто избирачки места се забележани закани кон гласачите, кажа Ѓилас.
Поврзани вести
(ФОТО) Вучиќ во Бахреин јадеше месо од камила и јагнешко печено 8 часа
Вучиќ: Најавата на ЕУ за воведување на ковид пасоши со одобрени вакцини од ЕУ е лоша и скандалозна одлука
