Траектот со 1016 патници, каде во текот на ноќта избувнал пожар додека патувал кон Крит, рано утринава безбедно пристигнал на пристаништето Пиреј, соопшти грчката крајбрежна стража.
Истоварувањето на сите патници завршило околу 7 часот изутрина.
A friend of mine travelling from Athens Pireaus to Chania Crete with ANEK lines sent me this photo. The Ship is on fire and it is being evacuated. They are now returning back to port with several ships heading for emergency. pic.twitter.com/RrmGN8IFSJ
— Theo Gkousarov (@Satdecrypter) August 29, 2018
Нема извештаи за повредени, изјави еден службеник од крајбрежната стража за Ројтерс.
Бродот Елефтериос Венизелос со 875 патници и 141 член на екипажот испловил од островот Хидра кога околу полноќ ја известил крајбрежната стража дека во делот со паркирани автомобили избувнал пожар. Траектот во придружба со крајбрежната стража е испратен до Пиреј. „Беше голема операција и се се одвиваше според планот“, изјави портпаролот на крајбрежната стража Никос Лагдијанос.
Очевидец за Ројтерс изјави дека во Пиреј видел како патниците со спасувачки елеци се симнуваат по скалите додека дим излегува над бродот. На пристаниште се наоѓаат и пожарникари.
Тешко дишевме поради димот“, рече еден патник за Скај Њуз.
Причината за пожарот не е позната, но грчките власти ја испитуваат можноста дека се запалил еден автомобил. На траектот имало повеќе од 200 возила, вклучувајќи и камиони.
