Поглаварот на Српската православна црква (СПЦ), Иринеј, кој бeше позитивен на коронавирус, се чувствува добро и е под надзор на најдобрите лекари, изјави денеска старешината на црквата Свети Сава во Белград, владиката Стефан Шариќ.
Шариќ изјави за „Блиц“ дека патријархот сè уште нема симптоми на инфекција.
-Да не беше патувањето во Подгорица, каде служеше погребална служба за блажениот митрополит црногорско-приморски Амфилохије, тој немаше да биде тестиран бидејќи немаше индиции дека е позитивен, рече тој.
Додаде дека се смирени оти „тој е под будното око на најдобрите лекари“ и секоја промена се следи за да не дојде до некои можни непредвидени компликации.
-Бидејќи тестот покажа дека е позитивиен, на наше инсистирање, тој е задржан во болница, бидејќи човекот има 90 години и не сакавме да се случи нешто непредвидливо, рече владиката.
Тој додаде дека биле тестирани сите владици и други духовници кои заминале од Белград во Подгорица, и дека сите тие имале негативен резултат.
Поврзани вести
За српскиот патријарх важно е да се надмине расколот со МПЦ, но темата останува отворена
Јужноафрикански сој на коронавирусот сѐ уште не е детектиран во Македонија
