Еврокомесарот за проширување Оливер Вархеј изјави дека Европската комисија ќе воспостави механизам за распределба на вакцините од земјите членки на ЕУ кон партнерските држави.
– Специјален фокус ќе биде на Западен Балкан и земјите од европското соседство, напиша Вархеј на Твитер.
To ensure united front to beat #COVID19 & early access to vaccines, @EU_Commission will set up mechanism to structure provision of vaccines shared by Member States, w special attention to #WesternBalkans & neighbourhood. Further options to provide vaccines early will be explored.
— Oliver Varhelyi (@OliverVarhelyi) January 19, 2021
Во документот кој ЕК го усвои денеска се наведува дека тој механизам би требало да им овозможи на партнерските земји пристап кон делот од 2,3 милијарди дози од вакцините кои ЕУ ги обезбеди низ заедничка набавка.
Се додава дека посебно внимание во тој процес ќе му се посвети на Западен Балкан, источното и јужното соседство на ЕУ и на Африка.
