Според словенечкиот премиер во оставката, словенечката влада и здравствените институции секојдневно ги следат настаните поради веројатниот ризик дека вирусот ќе се појави и во Словенија.
Словенечкиот премиер Марјан Шарец изјави дека Словенија е подготвена и ги затвора границите доколку се зголеми ризикот од внес на коронавирус, јавуваат словенечките медиуми.
– Поради ширењето на коронавирусот, Словенија ќе ги затвори границите доколку е потребно, односно ќе спроведат мерки кои се сразмерни и соодветни на околностите што можат да се случат, – рече Шарец.
Исто така, постојат сценарија за понатамошни активности, вклучително и ангажирање на граѓанска заштита и полиција, доколку се погодени повеќе лица, но сите овие мерки треба да бидат соодветни на ситуацијата.
Владата треба да разговара за ризикот од ширење на вирусот на својата редовна седница во четврток, во контакт со властите во соседните земји, а Словенија ќе одговори на состанокот што го најави италијанскиот премиер.
Здравствените власти во понеделникот потврдија дека вкупно 13 лица во Словенија досега биле тестирани за нов коронавирус и дека сите тестови покажуваат негативен резултат.
