Регион

Осомничениот за убиството на бугарската новинарка го признал делото

Осомничениот за убиството на бугарската новинарка го признал делото

Осомниченот за убиството на бугарската новинарка Викторија Маринова го признал убиството. Тој тврдел дека бил многу пијан и дрогиран кога ја нападнал Маринова, која брутално ја тепал и силувал пред да ја задави.

Медиумите од регионот ја пренесуваат изјавата на мајката на 20-годишниот Бугарин, Северин Красимиров кој беше уапсен во Германија, дека нејзиниот син ја признал вината.

,,Тој призна дека го сторил тоа додека бил пијан и многу дрогиран. Тој призна и почна да плаче пред мене, тој не е таков, не можам да го разберам тоа”, изјави Надежда Красимирова на еден бугарски новинар во Германија каде што живее.

Бугарските обвинители го обвинија Северин Красимиров во отсуство поради силување и убиство на новинарката и побараа негова екстрадиција од Германија.