Двајца мигранти, ноќеска околу полноќ, насилно влегле во куќата на пејачот Дино Мерлин во Сараево.
Мигрантите влегле преку прозорците, а не забележале дека на куќата има безбедносни камери. Откако провалиле алармот почнал да свири по што дошла и полицијата.
Еден од мигрантите успеал да избега, а другиот е уапсен.
Уапсениот мигрант кај себе немал документи и не можело да му се утврди точниот идентитет.
,,Станува збор за млад маж, кој даде два датума на раѓање. Првиот пат рекол дека е роден 1997 година, а вториот пат 1998 година”, изјавиле од полицијата за босанските медиуми.
Во времето на упадот, Дино Мерлин и неговото семејство не биле во куќата.
