Германската канцеларка Ангела Меркел испратила писмо до албанскиот премиер, Еди Рама, во коешто му порачала дека со голема вознемиреност ја примила веста за земјотресот во Албанија.
– Почитуван премиере, со голема вознемиреност ја примив веста за земјотресот во Албанија, каде што животот го загубија многу луѓе и имаше многу повредени. Сакам да изразам мое жалење и да испратам сочуство до Вас. Нашите мисли се со жртвите и настраданите. Јас знам за болката што вие и вашето семејство ја чувствувате. Изразуваме длабоко жалење за вас и за луѓето во Албанија кои ги загубиле своите најблиски како последица на земјотресот. Се надеваме дека повредените што побрзо ќе оздрават. Германија и Европската Унија ќе ве поддржат во овие тешки моменти – се наведува во писмото на Меркел.
Во меѓувреме во објавата на Твитер, претседателката на Европската комисија, Урсула фон дер Лејен, наведува дека комуницирала со премиерот Еди Рама за ситуацијата создадена по трагичниот земјотрес што ја зафати земјата, додавајќи дека ЕУ е на страната на Албанците.
Just talked to the Albanian PM @ediramaal who told me about the difficult situation after the earthquake. I have great respect for the Albanian people who’ve remained calm despite the circumstances. I want them to know that the EU is at their side with compassion AND with action.
— Ursula von der Leyen (@vonderleyen) November 30, 2019
Лејен пишува дека комесарот за управување со кризи Јанез Ленарчич ќе допатува во Албанија в среда за да се информира за ситуацијата.
