Вчера во Црна Гора мајка е уапсена поради сомнеж дека извршила убиство.
Во Бар е уапсена жена која е осомничена дека го задавила своето шестмесечно машко бебе, откако не поминала на полиграфскиот тест.
Наводно, детето го задавила во својот дом во Сутоморе, а потоа на лекарите им пријавила дека детето и се угушило.
Од локалната полиција за медиумите информирале дека смртта на бебето настапила насилно.
Извор во истрагата, рече дека таа не го положила полиграфскиот тест, и дека многу чудно се однесувала во текот на сослушувањето.
Таа не плачеше, не покажуваше никаков знак на жалење ниту каење, не побара од нас да и дозволиме да присуствува на погребот на своето дете – вели извор од полицијата.
