Австрискиот канцелар Себастијан Курц ги предупреди граѓаните на Австрија денеска уште еднаш да не патуваат во земјите од Западен Балкан и да не плаќаат таму за тестирање за ковид-19.
Ве повикувам да се придржувате до предупредувањата за патувања. Секојдневно имаме се повеќе случаи на заболени, чие потекло може да се поврзе со Западен Балкан – порачува Курц, потенцирајќи дека австриските граѓани треба да се воздржат од патување кон Западен Балкан.
Unser Appell: Nehmen Sie die Reisewarnungen ernst & unterlassen Sie Reisen in den Westbalkan! Wir warnen auch vor billigen Tests. Verlassen Sie sich nicht auf Tests aus dem Ausland, die nicht unseren Qualitätsstandards entsprechen!
— Sebastian Kurz (@sebastiankurz) July 9, 2020
Австрискиот канцелар исто така се повика на обврските на работодавците, повикувајќи ги да обезбедат усогласеност со карантинот од 14 дена по патувањето.
Покрај тоа, тој ја доведе во прашање валидноста на евтините тестови за Ковид-19 на дестинациите за одмор во Западен Балкан, кои им овозможуваат на австриските граѓани да се движат слободно откако ќе се вратат во Австрија.
Тестирањето за Ковид-19 на меѓународниот аеродром во Виена е алтернатива и чини 190 евра по човек.
