Хрватската претседателка Колинда Грабар-Китаровиќ, по повод протестите кои се одржаа денеска поради најавени реформи во законот за пензии, изјави денеска дека ваквата реформа е неопходна, но дека во моментов не е нешто само за себе, туку зависи од многу елементи, а една од нив е демографијата.
Во Загреб претходно денеска повеќе илјади луѓе протестираа против предлогот на Владата за пензиската реформа која предвидува зголемување на старосната граница за пензионирање на 67 години, како и против воведување на казнените поени за предвременото заминување во пензија.
