„Катимерини“ настапи со критички осврт кон Европската унија со повик да покаже солидарност кон земјите од Западен Балкан. Додека во земјите-членки започна вакцинирањето против Ковид-19, Македонија, БИХ, Црна Гора, Албанија и Косово не знаат кога ќе ги добијат првите дози, додека Србија обезбеди само симболична бројка.
Оваа недела, Грците ќе започнат да се вакцинираат против коронавирусот.
„Факт е дека Грција започнува со вакцинирање во недела затоа што нашата земја е земја-членка на Европската унија.
Вакцините за коронавирус се подготвени. Тие во моментов се произведуваат во специјални фабрики во различни делови на светот, но, фабриките на овие компании се веќе откупени од неколку богати земји. Канада, САД, Австралија, Велика Британија, Јапонија и Европската комисија, кои ги претставува 27-те земји на Европската унија, откупија половина од вакцините што треба да се развиваат ширум светот следната година. Без оглед на вакцината што ќе излезе од овие фабрики, прво ќе оди директно кај нив.
Всушност, овие земји имаат претходно купено вакцини од многу компании во исто време, па дури и повеќе дози отколку што им требаат. Само Канада, има купено доволно дози за да го вакцинира секој граѓанин пет пати. Европската унија претходно купи скоро 2 милијарди транши од шест различни компании за да ги дистрибуира до нејзините земји-членки, според нивната популација.
Но, што е со остатокот од светот? Некои помали, но побогати, како Сингапур и Нов Зеланд, успеаја да обезбедат дози. Но, премногу земји немаат пристап до овие вакцини, бидејќи тие не можат да се натпреваруваат со богатите земји кои веќе ги набавиле.
Повеќето земји во светот зависат од КОВАКС, иницијатива на Светската здравствена организација и големите невладини организации, дизајнирана да обезбеди доволно вакцини за 20 проценти од населението во сиромашните и земјите во развој до крајот на 2021 година.
Речиси сите наши соседни земји чекаат да ги добијат првите дози некаде во 2021 година преку КОВАКС. Како може Црна Гора сама да бара квоти од „Фајзер“, во време кога Европската Унија ги закупи првите стотици милиони што излегоа од фабриката на компанијата во Белгија? Што треба да направат Албанија, Косово, Босна или Македонија? Србија пред некој ден со тапани објави дека на некој начин обезбедила 20.475 дози од вакцината Фајзер/Бионтек. Нивниот сосед Хрватска, сепак, обезбеди 5,6 милиони дози од истата вакцина за 2021 година. Бидејќи е членка на ЕУ.
Во овој суров и неправеден систем, вакцинацијата во сиромашните земји може да трае до 2023-2024 година, со сите трагични последици што ова ќе ги повлече.
Оваа година, во овие тешки, чудни празници, да се потсетиме дека славиме нешто друго, многу важно: завршување на 40 години од 1 јануари 1981 година, кога Грција стана полноправна членка на ЕУ. и моментот кога, со голема и контроверзна одлука, тогаш се приклучивме кон привилегираните земји во светот, пишува Тодорис Јоргакопулос во својата анлиза пред започнувањето на вакцинирањето против Ковид-19 во Грција.
