Потпредседателот на бугарската Влада и лидер на ВМРО Красимир Каракачанов со остра осуда на зборовите на македонскиот премиер Зоран Заев дека Илинденското востание е македонско. Во интервју за агенцијата ПИК, Каракачанов го повикува Министерството за надворешни работи на Бугарија веднаш да реагира.
“Тоа е потребно затоа што така добиваат двојни стандарди. Станува збор за заедничка прослава на заеднички датуми од нашата заедничка историја. Така прашањето ќе остане отворено “, вели тој.
Каракачанов го објасни однесувањето на Зоран Заев како: ” типично балканска карактеристика во политиката – мислењата да се менуваат на 180 степени. “Во Благоевград дури рече “Илинденско-преображенско востание”. Ако Заев навистина верува во она што подоцна го рече дека востанието е македонско, му препорачувам да прочита малку историја. ”
“Ако книгата на” Македонецот “Христо Силјанов кој е деец на ВМРО и непосреден учесник во востанието, му е многу дебела за читање, може да го земе писмото на Даме Груев. Тоа е напишано од Главниот штаб на востанието во текот на востанието како повик кон бугарската влада и таму пишува дека ако владата сака да го зачува бугарското население во Македонија, тогаш треба да помогне за спасувањето на своите браќа Бугари во Македонија со оружје. Тоа е официјален документ, кој му беше подарен од градоначалникот на Благоевград , но очигледно не го прочитал“- вели Каракачанов во интервјуто.
Поврзани вести
Српска „Политика“: Каракачанов живее во 19. век, се служи со шовинизам за предизборни потреби
Стојаноски до Костадинов: Ќе те тужам за ширење лажни вести, а парите од тужбата ќе одат за жртвите од бугарските фашисти
