Харадинај претходно добил покана за учество во работата на конференцијата која ќе се одржи на 6 февруари.
Меѓутоа, извор од Стејт департментот потврдил дека косовскиот премиер на добил влезна виза поради воведувањето стоотстотни царини на стоката од Србија и Босна и Херцеговина.
Се наведува дека отстуството на Харадинај за Ал џезира го потврдил и еден од организаторите.
Претходно денес беше објавено и дека Советот за национална безбедност на САД и Стејт департментот усвоиле документ со осум точки во кој од владата во Приштина се бара веднаш да ги укине царините или во спротивно Вашингтон ќе ѝ воведе санкции на Приштина.
Харадинај одговори дека Приштина ќе ги укине царините откако ќе добие меѓународни гаранции дека финалниот договор со Белград ќе резултира, како што кажа, со заемно признавање.
