Премиерот на Косово Рамуш Харадинај се противи на било каква идеја за размена на територии со Србија или поделба на Косово и порачува дека за него „поделбата значи војна“, пренесоа косовските медиуми.
Харадинај, оваа изјава ја дал како реакција на американскиот амбасадор Грег Делавиј, кој синоќа на КТВ изјавил дека не е исклучена можноста, Косово да се подели.
„Раздвојувањето е борба за мене, опасно е да се зборува за тоа“, изјавил Харадинај.
Според него, „секој кој ќе спомне поделба на Косово ќе предизвика трагедија на Балканот“.
