Шефицата на Канцеларијата на Еропската унија во Приштина, Наталија Апостолова, најави дека Косово може да очекува помош од Брисел за справување со епидемијата на Ковид-19 во висина од 160 милиони евра.
Во објава на Твитер по денешните разговори со косовската министерка за економија, Розета Хајдари, и министерот за финансии, Бесник Бислими, Апостолова најави дека помошта може да се реализира во наредните два до шест месеци.
– Разговарав денеска со министрите Розета Хајдари и Бесник Бислими за натамошната поддршка од ЕУ за Косово за справување со Корона-19. До 160 милиони евра можат да бидат достапни за Косово од ЕУ во наредните два до шест месеци преку макро-финансиска поддршка, поддршка на буџетот и ИПА-грантови за поддршка на приватниот сектор, земјоделството и олеснувањето на немаштијата, напиша Апостолова.
Канцеларијата на Европската унија во Косово минатиот месец обезбеди помош од 5 милиони евра за здравствената заштита на населението на Косово, но и на домашната економија, со цел да се ублажи кризата предизвикана од пандемијата.
Spoke 2day w/ Ministers @HajdariRozeta & #Bislimi on further EU support to Kosovo to fight #COVID19. Up to €160m could be made available to??by EU in 2-6 months thru macro-financial assistance, budget support & IPA grants 2 support private sector, agriculture & alleviate poverty pic.twitter.com/44IIiyyVAr
— Nataliya Apostolova (@ApostolovaEU) April 6, 2020
