Европската унија понуди целосна поддршка и помош на граѓаните и властите на Хрватска по информацијата за новиот силен земјотрес што ја погоди денеска.
Претседателот на Европскиот совет, Шарл Мишел, на својот профил на Твитер истакна дека ЕУ внимателно ја следи ситуацијата во Загреб по разорниот земјотрес.
-Нашите мисли се со повредените и оние кои се во првите редови на одбраната, напиша Мишел во име на ЕУ.
We are closely following the situation in Zagreb following the devastating earthquake.
Our thoughts go out to the injured and frontline workers.
At this difficult time, the European Union offers its full support and assistance to the people of Croatia and PM @AndrejPlenkovic
— Charles Michel (@eucopresident) December 29, 2020
Силен земјотрес со јачина од 6,2 степени ја погоди денеска Хрватска, кој беше почувствуван во целиот регион. Во земјотресот предизвикана е огромна материјална штета, а „Јутарњи лист“ јави дека во Петриња загина едно дете.
