Турскиот претседател Реџеп Таип Ердоган, говорејќи на економски самит на земјите од Југоисточна Европа во Јахорина, Босна и Херцеговина, изјави дека одлуките на Европската унија во врска со членството на Северна Македонија и Албанија во Унијата ќе влијаат врз иднината на регионот.
Неодамна видовме дека некои кусогледи популистички кругови ја блокираа политиката за проширување на ЕУ. Негативните трендови кон поделби и дискриминација се раширија низ континентот и го загрозуваат не само внатрешниот мир во ЕУ… туку и надежта и потенцијалот на балканскиот регион, рече Ердоган.
