Регион 30. јануари 2020. / 10:13

Беџет Пацоли го именувал својот возач за дипломат во косовскиот конзулат во Струга

Беџет Пацоли го именувал својот возач за дипломат во косовскиот конзулат во Струга

Министерот за надворешни работи во косовската Влада во оставка, Беџет Пацоли, со својата прва одлука во 2020 година, унапредил досегашен возач во неговото министерство за дипломатски службеник во Конзулатот што Косово неодамна го отвори во Струга, објави вчера весникот „Коха Диторе“.

Со одлука од 23 јануари годинава, досегашниот возач Фарук Битиќи е именуван за втор секретар во косовското конзуларно претставништво во Струга и ќе го почне четиригодишниот мандат на 15 идниот месец.

–  Фарук Битиќи, со чин втор секретар, се именува да служи во Конзуларната мисија на Република Косово во Струга/Република Северна Македонија, со четиригодишен мандат. Фарук Битиќи ќе започне со извршување на задачите и обврските како втор секретар во конзуларната мисија во Струга од 15.02.2020 година – се вели во документот што го обезбеди приштинскиот весник.

Од косовското МНР велат дека чинот втор секретар, кој Битиќи го има добиено со одлука од 2108 година. е соодветен на чинот конзул, така што „унапредувањето е извршено согласно процедурите и законите“.