По вчерашниот земјотрес во текот на ноќта се регистрирани околу 30 нови послаби потреси во Загреб.
Сеизмологот Крешимир Кука за Хрватско радио изјави дека секундарните потреси ќе траат со недели и месеци.
Состојбата на 15-годишното девојче што беше повредено при во вчерашниот земјотрес што го погоди главниот град на Хрватска е непроменета и тоа се бори за живот.
Земјотрес со интензитет од 5,3 степени вчера утрината го погоди Загреб, а беше проследен со уште еден потрес со јачина од пет степени, објави Европско-медитеранскиот сеизмолошки центар.
Епицентарот на земјотресот беше на седум километри северно од Загреб, на длабочина од десет километри и предизвика материјална штета.
