Македонија 18. март 2020. / 23:49

Заразениот доктор од Дебар: Немав никакви симптоми

Заразениот доктор од Дебар: Немав никакви симптоми

Дебарскиот доктор Арбен Аголи, кој е заразен со коронавирус, се обрати на ТВ21 вечерва со линковско вклучување. Тој рече дека немал никакви симптоми, и дека се тестирал поради тоа што бил во контакт со лица заразени од коронавирусот, кои биле кај него на преглед.

Тој упати апел до сите граѓани на земјата.

-Упатувам апел за сите по било која основа имале контакт со заболено лице, да се јават во Институтот за јавно здравје, да се проверат. Ако се позитивни, да се изолираат и со тоа ќе придонесат други лица да не се инфицираат, рече Аголи.

Рече дека луѓе од цела Македонија му се јавиле да му дадат поддршка, за што Аголи јавно им се заблагодари.