Во текот на вчерашниот ден имаше 12 новозаболени од коронавирусот во Македонија. Денес таа бројка е 29. Бројот на позитивни тестови се зголемува, а денеска во однос на вчера, бројот на нови случаи е пораснат за неверојатни 140%.
Сега, бројот на македонски граѓани кај кои е дијагностициран коронавирус изнесува 177. Од нив, едно лице е излекувано, а две се починати.
Расте и бројот на градови каде има позитивни случаи на коронавирус.
Од новозаболените најголем дел се од Скопје (20). Потоа следуваат Куманово (3), Велес (3), Прилеп (2) и Дебар (1).
Според местото на живеење, досега случаи на КОВИД-19 се регистрирани во:
– Скопје – 108
– Дебар (41) – 1 починат
– Куманово (11) – 1 починат
– Штип (7)
– Велес (3)
– Кавадарци (2)
– Охрид (2)
– Прилеп (2)
Оваа бројка се очекува да расте бидејќи тестирањата допрва ќе се прават. Но, како после толку мерки, државата бележи огромен раст во бројот на заразени од коронавирусот?
Јасно е дека не може да се очекува бројот на заразени веднаш да опаѓа, но поразителен е фактот што има преголем број на новозаразени. Со секој ден, овој број расте. Од вчера до денес, повторуваме, пораснал за 140%.
