Српскиот претседател Александар Вучиќ од Охрид по средбата со македонскиот и албанскиот премиер, Зоран Заев и Еди Рама, порача дека иницијативата за регионална соработка не значи формирање на нова Југославија, туку процес кој, според него, овозможува подобар и поквалитетен живот.
–Гледам Рама е под притисок… И мене во текот на изборите, домашната опозиција ме обвинуваше со тоа што го правам патот до Приштина дека правам пат за Голема Албанија, но сепак тие добија 11 пати помалку гласови од мене. Не знам, оваа иницијатива може некој ќе ни ја уништи и ќе пропадне, но таа дефинитивно носи подобар и покалитетен живот на нашите луѓе и компании. Овде нема создавање на нова Југославија – рече Вучиќ.
Тој додаде дека горд е на Преспанскиот договор меѓу Македонија и Грција.
Вучиќ посочи и дека слободното движење на луѓе и стоки меѓу земјите ќе обезбеди големи заштеди на пари и време.
