Времето во земјава ќе биде облачно, наутро со пообилни и на места поројни врнежи од дожд (над 20 л/м2), а на повисоките планини од снег. Од вечерните часови кон четврток понекаде во планинските региони ќе има услови за појава на замрзнат дожд. Ќе дува и умерен до засилен југоисточен ветер најинтензивен долж Повардарието и во источните делови.
Утринската температура ќе се движи од 1 до 7, а дневната од 7 до 13 степени.
Во Куманово и околината денеска ќе имаме облачно време со врнежи од дожд. Температурата ќе се движи од 2 степени во утринските часови, до максимални 7 во текот на денот.
Во следниот период ќе преовладува умерено до значително облачно време со повремени врнежи од слаб до умерен дожд, а на планините со повремен снег, наутро ќе има услови за појава на магла во котлините. Наутро постудено ќе биде во петок и за време на викендот.
