МВР поднесе кривични пријави против осум лица вработени во институцијата и уште 28 граѓани вмешани во издавањето на возачки дозволи без положен возачки испит.
Министерот за внатрешни работи, Оливер Спасовски денеска изјави дека за инволвираните полициски службеници ќе следи суспензија и дисциплински постапки.
Тој посочи дека ниту еден обид за каква било злоупотреба на службената положба нема да биде толериран за кого и да се работи и во која институција и да се работи.
-Точно е дека имаме истрага за осум лица кои се припадници на МВР кои директно учествувале во овие нелегални активности за издавање на возaчки дозвоlи на лица кои што немаат положено возачки испит. Со тоа се поднесени кривични пријави против тие осум лица и против уште 28 граѓани, кои практично извршиле поттикнување во однос на ова кривично дело. Истрагата продолжува, ќе се согледаат сите апекти, тие лица ќе бидат суспендирани од работа и секако ќе се водат и дисциплински постапки во однос на овој случај, рече Спасовски на новинарско прашање на прес-конеференцијата во Владата.
Нагласи дека ниту еден обид за каква било злоупотреба на службената положба нема да биде толериран за кого и да се работи и во која институција и да се работи.
-Така што сакам да укажам дека и јас и раководствопто на МВР сме решение да постапуваме во секој еден случај каде ќе имаме ваков случај на какви било коруптивни дејствија, дали се работи за припадници на МВР или се работи за државни службеници во другите министерства бидејќи навистина има такви сознанија да одредени државни службеници ја злоупотребуваат својата службена положба и овластувања. Така што заеднички со Јавното обвинителство ќе настапуваме и ќе ги решаваме овие случаи, бидејќи сите ние сме тука да го остваруваме интересот на граѓаните и државата бидејќи тие ни ја дадода довербата. Ниту еден обид за каква било злоупотреба на службената положба нема да биде толериран за кого и да се работи и во која институција и да се работи, рече Спасовски.
Запрашан до каде стигнала истрагата во хиерархијата на МВР во врска со случајов со фалсификуваните возачки дозволи и дали ќе бидат повлечени документите кои биле издадени нерегуларно, како и за колкава бројка на документи станува збор, Спасовски рече дека со оглед дека се уште се работи на истрагата по овој предмет во моментов нема да изнесува повеќе детали.
-Истрагата ќе стигне до секој оној што ја злоупотребил својата положба и облстувања без оглед на која позиција се наоѓа во МВР, порача министерот Спасовски.
Оддделот за внатрешна контрола, криминалистички истраги и професионални стандарди во МВР до Основното јавно обвинителство Скопје вчера поднесе кривична пријава против 36 лица, од кои осуммина вработени во МВР поради основано сомнение дека сториле кривични дела „злоупотреба на службена положба и овластување“ по чл. 353, „несовесно работење во службата“ по чл. 353 и „фалсификување на службена исправа“ по чл. 361 од Кривичниот законик, како и против 28 граѓани поради сомневање дека сториле поттикнување во извршување на наведените кривични дела.
