Mислам дека успевам да ги разобличам лошите политики на власта, изјави лидерот на ВМРО-ДПМНЕ, Христијан Мицкоски вечерва во интервју на Телма.
„Она во што јас верувам е подобро утре за Македонија. Евроатлантска интеграција, економски, успешна, и Македонија на среќни граѓани” – вели тој.
Мицкоски рече дека она за што ќе оценат дека е погрешно ќе го поправат и ќе се трудат да бидат подобри.
„Многу е значајно тие грешки да ги сведеме на минимум. Но, она што е важно се катастрофалните политики на Владата на Заев” – вели Мицкоски.
Тој рече дека има политички терор во земјава. За ова вели дека ВМРО-ДПМНЕ нема да престане да бара одговорност.
Мицкоски вели дека само од почетокот на годинатаа, Владата ја задолжи Македонија за над 500 милиони евра. Од нив според лидерот на ВМРО-ДПМНЕ вратени се само 200 милиони евра стари долгови и камати, а останатите пари, се ставени во банка со 0% камата.
„Замислете, парите ги чуваат во банка со 0% камата, а за нив плаќаме камата за еврообврзницата. За тоа некој ќе одговара. Тоа е злоупотреба на службената положба” – вели лидерот на ВМРО-ДПМНЕ
На провокација од водителот, кој му постави равенка, ВМРО-ДПМНЕ – Груевски + Мицкоски = Х, Мицкоски одговори, решението е нова Влада на Република Македонија.
