Букети свежо цвеќе од делегација предводена од претседателот на Владата, Оливер Спасовски, по повод државниот празник 24 мај – „Св. Кирил и Методиј“ Ден на сесловенските просветители, денеска беше положено пред споменикот на Светите браќа Кирил и Методиј, во кампусот на универзитетот во Скопје.
Од кабинетот на премиерот информираат дека по положувањето, Спасовски и министрите Арбер Адеми и Зорица Апостолска оствариле кратка средба со ректорот на Универзитетот „Св. Кирил и Методиј“, проф. д-р Никола Јанкуловски, на кого му биле пренесени честитките по повод државниот празник, со порака за поддршка на автономноста на универзитетот.
