Денеска, гостин во емисијата „Утро со Златев“ беше Милутин Станчиќ – Директор на управата за унапредување на јазиците на заедниците. Со него со зборуваше на помалку актуелни и релативно заборавени теми, но кои секогаш се интересни за дебатирање.
Но, се зборуваше и за актуелните законски решенија како на пример воведување на сексуално образование.
– Ме загрижуваат реформите кои се туркаат со преголема брзина. Мислам дека треба да се остави простор, да има дебата и анализа околу тоа фамозно сексуално образование. Да разграничиме и дали можеби има манипулации, а тоа не стои во текстот или фејк информации, вели Станчиќ за Радио Лидер.
Тој го објаснува неговото мислење на оваа тема.
– Треба да помине време, а не тоа да биде на брзина и на сила без да има своја потпора во општеството. Има многу недоумици кои јавноста и наставничкиот кадар не ги знае и затоа мислам дека треба простор, иако може да има и позитивни иновации, додава директорот на управата за унапредување на јазиците на заедниците.
