Актерот Сашо Тасевски е познат на јавноста и по неговите коментари на социјалните мрежи кои најчесто се насочени против власта.
Вчера Тасевски напиша нов статус каде тој прашува зошто ниедна телевизија не го осуди маршот на Албанците низ Скопје?
– Штама еј! Никаква осуда за вчерашниот националистички и шовинистички марш на Албанците низ Скопје. Купено молчење од сите телевизии. Невладините и така се антимакедонски здруженија. Колаборационисти. Живееме во апартхејд по сите дефиниции, напиша на својот ФБ профил актерот Сашо Тасевски.
Актерот Тасевски во својата објава додава:
– Македонците се безгласна буква во државата која ја создадоа. Во државата за која се бореле моите претци. Не ми се ни живее повеќе овде. Како во туѓ дом да сум влегол ноќе, така се чувствувам. Како туѓ на своето. Ако има некоја амбасада која ќе го прочита ова да ми даде нејзино државјанство и друг живот, да можам да заборавам од каде сум дошол, би било топ. Секо државјанство би прифатил, само бугарско НЕ, заврши тој.